منتدي الخواجة الاصلي
أنا اسف يا ريس مش حقدر اسامحك...عنوان رسالة نشرها مواطن مصري على الفيس بوك 2afn9ja

اهلا وسهلا بك في منتدي الخواجة اتفضل معانا اولا باتسجيل واضغط علي كلمة تسجيل
ملحوظة هامة:هذا المنتدي يطلب منك تفعيل العضوية عن طريق ايميلك المسجل به
اذا لم تستطيع تفعيل عضويتك بعد 24 ساعة ستكون مفعلة بازن الله
هيا اضغط تسجيل

انضم إلى المنتدى ، فالأمر سريع وسهل

منتدي الخواجة الاصلي
أنا اسف يا ريس مش حقدر اسامحك...عنوان رسالة نشرها مواطن مصري على الفيس بوك 2afn9ja

اهلا وسهلا بك في منتدي الخواجة اتفضل معانا اولا باتسجيل واضغط علي كلمة تسجيل
ملحوظة هامة:هذا المنتدي يطلب منك تفعيل العضوية عن طريق ايميلك المسجل به
اذا لم تستطيع تفعيل عضويتك بعد 24 ساعة ستكون مفعلة بازن الله
هيا اضغط تسجيل
منتدي الخواجة الاصلي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كله حصري علي منتدي الخواجة الاصلي

ندعوا زورا المنتدى الكرام بالتسجيل
افلام - اغانى - برامج - العب - فوتوشوب - مسابقات كل هذا واكثر فقط فى منتدى الخواجه الاصلى
كون 100 موضوع وكن مشرف على القسم الذى تريده مع منتديات الخواجه الاصلى
الحق ورشح نفسك للقسم اللى انت عايزه فى منتديات الخواجه الاصلى

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

أنا اسف يا ريس مش حقدر اسامحك...عنوان رسالة نشرها مواطن مصري على الفيس بوك

اذهب الى الأسفل  رسالة [صفحة 1 من اصل 1]

عنبة

عنبة
Admin
Admin

أنا اسف يا ريس مش حقدر اسامحك...عنوان رسالة نشرها مواطن مصري على الفيس بوك
أنا اسف يا ريس مش حقدر اسامحك...عنوان رسالة نشرها مواطن مصري على الفيس بوك 39861








اهدى
الشاب المصري عادل صليب رسالة الى شهداء 25 يناير مذكراً فيها الرئيس
المخلوع مبارك بكل خطايا حكمه وسرقات عائلته وبطانته ووزارئه والتلاعب
بمصائر الشعب كل الشعب المصري .




هنا نص الرسالة :





كلامي اللي جاي لكل شخص بيقول انا اسف ياريس وارحموا عزيز قوم ذل ورد الجميل للرئيس القائد







انا
ياريس اسمي عادل صليب مصري مسيحي (حسب بطاقة البلد) ؛ من اللي راحوا ولسه
بيروحوا التحرير من اللي نزلوا يوم 25 و28 ياريس عندي يدوب كلمتين وعاوز
ااقولك اسف فيهم بجد .








انا اسف ياريس : ان اهلي علموني زي ما اهلهم ربوهم ان المشي جنب الحيط امان وان المشي جوة الحيط استقرار ...



انا اهلي قلولي من خاف سلم ونسيوا ياريس ان الموت مش هيفرق من ضابط او من سكتة قلبية او بلفافة بانجو



انا اسف ياريس لان عمري 24 سنة وقضيتهم في سكوت وخوف وضعف واستستلام



اسف ياريس لاني مكنتش اعرف في مصر غير رسمة اكتوبر في المدرسة كل سنة واللي كانوا بيقوله في التلفزيون عن دورك السياسي والاجتماعي







اسف
ياريس لاني اتمردت عليك وكنت ابن عاق لاب وحضن كبير زيك ... كنت ناكر
للجميل ياريس لبطل اكتوبر اللي خطط للضربات الجوية (اللي اشك ان حد من
مؤيديك قرأ اي كتاب عن حرب اكتوبر وليه الفريق الشاذلي لانهم حتي ميعرفوش
مين هو الشاذلي)




اسف
ياريس بس مكنش ينفع ان اشوف بطل اكتوبر وهو بيدخلي اكل مسرطن وقتل من
الشرطة وهواء ملوث وسرقة اعضاء وتشريد و35% من اهل بلدي تحت خط الفقر
...ياريس مكنش ينفع صدقني




انا
اسف ياريس اني كنت مقتنع بان كل قتل المسيحين كان منك وبايدك رجلاتك واشوف
بتضيع مني بلدي وحقي كمواطن فيه دون النظر عن ديانتي واشوف ناس بتاخد جنب
وكذلك الناس التانية وانا واقف في النص لاني رافض اسمع كلام حد غير عقلي
وعقلي قالي العيب في النظام مش في الدين










اسف
ياريس اني مقدرتش اصدق رجالتك وهما بيقولوا ان خالد سعيد بلع لفافة بانجو
رغم اني معرفوش بس صوره وهو مشوهة خلتني افتكرت اني درست في مدرستي بنظام
تعليمك ان البانجو مش بيشوه الوش بس هو ممكن يشوه المخ وينيمه 24 سنة
ويسكته علي الظلم والعنف ده كله








انا
اسف ياريس عليك انت انك تكون ضحيت عشان تحرر بلدك وتسرقها وتنهبها وتقتل
شبابها اللي في يوم كانوا تحت قيادتك ومنهم استشهدوا عشان حضرتك تركب كرسي
الرئاسة ياريس وكل مرة تترشح لوحدك وتقتل اكتر وتسرق اكتر وتبوز تعليمنا
وصحتنا وحياتنا




انا
اسف ياريس انا صحيح اتعلمت في مدرسة خاصة ومتعلجتش في مستشفي حكومي بس لما
اشوف ناس بتموت ياريس وانت سايب ولادك يسرقوني وبتعالج الحرامية اصحابك
علي حساب الدولة والاطفال بتموت في مصر عشان مستنين دور الكشف في المستشفي
الحكومي




انا
اسف ياريس اني خرجت عن طوعك واتظاهرت ماهو يمنفعش اعرف ان 45% من سكان
بلدي في العشوائيات وانت وابنك واصحابه بتعملوا مدن وهمية بالملاين وانتم
بايعين المتر بنص جنية وب5 قروش (زي ما اصحابك و مواظفينك عملين يطلعوا كل
بلاويك دلوقتي بعد تنحيك الاجباري بـ 24 ساعة)








انا
اسف ياريس اني والعيال بتوع التحرير واحنا عارفين انك عضمة كبيرة ومش حمل
هزة طلعنا نقولك ارحل وامشي ومراعيناش عشرة عمرك معانا 30 سنة ومرعتش
شيبتك ولا استنيت تخرج بكرامة مع ان ياريس(كرامة مصر من كرامة المواطن
...ولا مساس بكرامة المواطن)




فاكر
كلامك ده ياريس ؟ قد ايه كان مبهر وانا بشوف مروة الشربيني والمصري اللي
اتقتل في لبنان ولا اعتقالات المصريين في السعودية والكويت واهو بنجامل
بعض كاصحاب كراسي ... ياريس لو المصري الصغير ده ملوش كرامة انا اسف اني
مرعتش كرامة حضرتك




ياريس مكنش ينفع اشوف ميتين تاني مكنش ينفع حتي اسيب اصحابي يوم 25 يناير ولا 28 يناير ... مكنش ينفع صدقني



انا
اسف ياريس لان معيطيتش لما حضرتك القيت الخطاب اللي كان بعد جمعة الغضب
ومكلفتش خاطرك تعزي امهات الشهداء بكلمة ...عيني مدمعتش ياريس بل الاكثر
انها مرمشتش ... انا فاكر اني ساعتها عيني احمرت قوي وحسيت قد ايه انت لا
تصلح ان يطلق عليك انسان ...انت رجل بلا انسانية




انا
اسف ياريس اني مصدقتش وعودك الكدابة لاني جربتها انا واهلي 30 سنة ومكنش
عندي استعداد الاقي ناس تانية بينداس عليها عشان حضرتك تزود رصيدك في
البنك او عقارات ولادك واحفادك ورجالاتك




اسف
ياريس لاني لما سمعت انك عيان بالمرض البطال (لو كان بجد) متعطفتش معاك
..مش عشان قلبي حجر ..بس عشان قلت ده مصري ولازم يتعالج كمصري بس افتكرت
ياريس ان الانتظار في معهد الاورام طويل ياريس ..معرفش وصلك مع شيكات
تحويل فلوس مصر ان مصر فيها اعلي نسبة سرطان ولا لا بس دي الحقيقة
...وحضرتك قلت ان المواطن اهم ياريس ...وفيه الاف المواطنين من شعبك
واقفين طوابير عاوزين علاج ومش بيلاقوا وبيموتوا في الانتظار








انا
اسف ياريس اني مش قادر اسامحك ...مش قادر اشوف بلدي بتضيع بايديك واسكت
وحتي لما خلاص ..مش مسامحك لاني كل مابحاول واغمض عيني بشوف صورة سالي
واحمد ايهاب وشهداء ثورة 25 يناير وشهداء العبارة(عبارة من اللي بيغرقوا
دول) وشهداء الدويقة(اللي ماتوا من عشوائيات جنابك) وشهداء نجع حمادي
وكنيسة القديسين وغيرها كنايس كتير








انا
اسف ياريس اني ضيعت من وقتي ومجهودي اني اكتب كل الكلام ده وانا ورايا
حاجات اهم اعملها ..ادور علي المعتقلين اللي وانت في اخر ايامك سحبتهم علي
سجونك و اشوف الناس اللي اتصابت بسبب انك رافض تخرج خروج مشرف وفضلت تقتل
شعبك علي انك تسيب السلطة والكرسي (مع اننا مكناش هنزعل لو خدت الكرسي
معاك وكنا هنجيب كرسي من الهلال والنجمة)








انا
اسف ياريس اني بصلي كل يوم ويتمنى امنية واحدة ان ربنا يمد في عمرك ويحفظك
وتعيش عشان تتحاكم في بلدك وتتسجن وتشوفنا واحنا بنعيد كل اللي بوزته في
الـ 30 سنة دول


اسف
انك سرقت وقتلت ونهبت واشتريت بيوت وقصور بس نسيت تسال اهم سؤال لو جه يوم
زي 11-2-2011 ولو فعلا تعبان ..هتعمل ايه بكل فلوس العالم وكل العز ده ...
حتعرف لما تقف قدام ربنا ويفكرك بحرقة قلب كل اب وام من الشهداء وكل حد
مات من الاهمال في المستشفيات واللي سابوا تعليمك البايز واعلامك الكداب
وثقافتنا الضحلة واثارنا المهربة واكلنا المسرطن وهوانا الملوث وصحتنا
اللي بايزة ...




انا
اسف ياريس حتي بعد ماتنيحت بالاجبار من العيال (سابهم يلعبوا...لحد ما
لعبوا في كل تاريخك) .... العيال دي نزلت ولسه بتنزل التحرير ... بتعمر
وبتطالب بباقي حقوقها الشرعية كبني ادمين .... كمصريين ... كناس اخرين
بطلت تخاف وعرفت ان بعد القنابل المسيلة للدموع والرصاص المطاطي والحي
والبلطجية والنومة علي الرصيف في عز التلج ...ان محدش بيموت ناقص عمر




بس كلمة حق وموته افضل من عيشة في ذل ومهانة




اهداء اللي : شهداء 25 يناير وكل شهداء الاهمال والعنف التي تسبب فيها الريس (المخلوع والسابق) محمد حسني مبارك ...

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى