الموقع
قعدت ادور علي نفسي
لقيتني مش لقياها
قولت ادور اكتر بقالي كتير سيباها
لقيتها في جزيره بعيده وندتلها
شافتني رايحه عليها دورت وشها
قولتلها ايه يعني انتي مخصماني
قالتلي يعني هو انتي كنتي فكراني
رمتيني سهل وبعتيني
ودلوقتي جايه تناديني
يالا روحي وسبيني
قولتلها لا انا محتجاكي
ياريت تسامحيني
مسكت فيها وقولتلها ارجعي
قالتلي مش هرجع غير لما تسمعي
حياتك اللي عدت كلها
راحت وعدى وقتها
ومستحيل في يوم نرجعلها
حتي لو كنتي محتاجه لها
قولتلها حاضر تؤمريني
بس لازم تسمعيني
اه غلط ونصحتيني
وما سمعتش فأتخليتي عني وسبتيني
وجايه دلوقتي تلوميني
لأ بجد فاجئتيني
سبتيني تايهه ولا فكرتي تسألي
شيفاني بضيع وكل شويه تبعدي
وبقيت وحيده في دنيتي
وبرغم ده فوقت وجيت اندهك
لقيتك كارهه دنيتي
لا بعد اذنك تسكتي
بصتلي والدموع علي خدها
كانت اصعب لحظه شوفتها
مسكتني فجأه وضمتني لحضنها
قالتلي كفايه اسكتي
خديني جواكي وابدئي
في صفحه جديده افتحي
وخلي عنوانها الامل
واول سطر فيها
هعيش دنيتي
بياضة99=ميسى10
